İranda repressiyada iştirakdan imtina edən güneyli əsgər həbs edilib

Təbrizdə yaşayan Güney Azərbaycandan olan gənc yazar Ramin Behzad İran hökumətinin təhlükəsizlik qüvvələri tərəfindən saxlanılıb.

Yerli mənbələrin məlumatına görə, hazırda hərbi xidmətdə olan Behzad etirazçıların zorakılıqla yatırılması ilə bağlı komandanlığın əmrinə tabe olmayıb və buna görə həbsə atılıb.

Yaxınlarının dediyinə görə, 10 gün öncə həbs edilən gənc yazıçının harada saxlanıldığı barədə məlumat əldə edə bilmirlər.