Dünyanın ən zəngin insanları 2022-ci ildə təxminən 2 trilyon dollar itirib
23.12.2022 16:54
Dünyanın ən varlı adamlarının sərvəti 2022-ci ildə 1,9 trilyon dollar azalıb. Bu barədə Forbes jurnalı məlumat paylaşıb.
Hesablamara görə, onların ümumi kapitalı təxminən 12 ayda 13,8 trilyon dollardan 11,9 trilyon dollara qədər azalıb.
2022-ci ildə dünya üzrə milyarderlər 1,9 trilyon dollar itiriblər. Dekabrın 9-na olan məlumata görə, onların ümumi sərvəti 13,8 trilyon dollardan 11,9 trilyon dollara düşüb. Milyarderlərin sayı da 2671 nəfərdən 2523 nəfərə düşüb.
300 texnologiya milyarderinin vəziyyəti cari ildə ən çox zərər çəkənlər arasında oldu. Onlar birlikdə 2022-ci ildə 1 trilyon dollardan çox itiriblər. Məsələn, Amazon-un qurucusu Jeff Bezos şirkətinin səhmlərinin dəyərinin təxminən 50% azalması səbəbindən 80 milyard dollardan çox itirdi. Google-un ana şirkəti Alphabet də bu il tənəzzülə uğradı. Məqalədə deyilir ki, bu səbəbdən transmilli korporasiyanın həmtəsisçiləri Larri Peyc və Sergey Brin 40 milyard dollardan çox itiriblər.
Dekabrın 21-də Bloomberg xəbər verib ki, amerikalı iş adamı, Tesla, SpaceX və Twitter şirkətlərinin rəhbəri İlon Maskın itkiləri 2022-ci ildə 122,6 milyard dollara çatıb. Bu, sahibkarın 2021-ci ildə qazandığı məbləğdən çoxdur. Maskın sərvət səviyyəsinin aşağı düşməsinin səbəblərindən biri Tesla Inc-in səhmlərinin dəyərinin son iki ildən çox minimuma - 140,86 dollara enməsi olub.
Gülnar Nazimqızı
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
Foto
Video
