Fransa İstanbuldakı konsulluğunu bağlayır - Türkiyədə terror təhlükəsi xəbərdarlığı
02.02.2023 18:05
Fransanın İstanbuldakı Baş Konsulluğu fəaliyyətini müvəqqəti dayandırıb, bu barədə RİA Novosti xəbər verib.
Fevralın 2-də Türkiyənin xarici işlər naziri Süleyman Soylu ABŞ-ın terror aktları təhlükəsi ilə bağlı bəyanatları fonunda bir sıra Avropa ölkələrinin İstanbuldakı konsulluqlarının bağlanmasını ölkəyə qarşı "psixoloji müharibə” adlandırıb.
"Fransanın İstanbuldakı Baş Konsulluğu 2 Fevral Cümə axşamı və 3 Fevral Cümə günləri ictimaiyyət üçün bağlıdır. İnzibati məsələlərlə bağlı bizimlə elektron poçtla əlaqə saxlamaq olar”, - deyə konsulluqdan bildirilib.
İsveç, Hollandiya, Böyük Britaniya və Almaniyanın baş konsulluqları İstanbulun mərkəzində terror aktları təhlükəsi səbəbindən daha əvvəl ziyarətçi qəbulunu dayandırıb.
Rusiya Federasiyasının konsulluğu adi qaydada işini davam etdirdiyini bildirib.
Bu konsulluqlar 2022-ci ilin noyabrında terror aktının baş verdiyi mərkəzi Beyoğlu rayonunda İstiqlal piyada küçəsində və ya yaxınlığında yerləşir.
ABŞ səfirliyi fevralın 1-də vətəndaşlarını İstanbulun mərkəzində terror aktları təhlükəsi ilə bağlı İstanbulda kilsələr, sinaqoqlar, diplomatik nümayəndəliklər və ya əcnəbilər arasında məşhur olan digər yerlərdə, xüsusən də İstanbulun Beyoğlu, Qalata, Taksim, İstiqlal rayonlarına getməmələri ilə bağlı xəbərdarlıq edib.
Bundan sonra Fransanın diplomatik missiyası Amerika səfirliyinin məlumatlarına istinadən oxşar xəbərdarlıq edib.
"Anadolu” da öz növbəsində xəbər verir ki, Norveç səfiri fevralın 3-də Quranın yandırılması ilə bağlı anti-İslam aksiyası keçirilməsi barədə məlumatlarla əlaqədar Türkiyə Xarici İşlər Nazirliyinə çağırılıb.
"Norveç hakimiyyətinin dayandırmadığı təxribatçı hərəkətləri qətiyyətlə pisləyirik. Biz bu cür yanaşmaların yolverilməzliyini vurğulayır və Oslodan bu hərəkətin qarşısını almasını gözləyirik”, - Türkiyə XİN-dən bildiriblər.
Aytac
www.anews.az
Twitter
Bizi Twitterdə izləyin
Oxşar xəbərlər
Oxşar xəbərlər
Foto
Video
