İran zəlzələ yardımı adı altında Suriyaya silah göndərib

İran zəlzələ yardımı adı altında Suriyaya silah göndərib. Bu barədə Reuters mənbələrinə istinadən məlumat yayılıb.

 

 

 

Mənbələr Reuters agentliyinə bildiriblər ki, məqsəd Suriyada İranın İsrailə qarşı müdafiəsini gücləndirmək və Suriya prezidenti Bəşər Əsədi gücləndirməkdir.

Fevralın 6-da Suriyanın şimalında və Türkiyədə baş verən zəlzələdən sonra İrandan yüzlərlə təyyarənin Suriyanın Hələb, Dəməşq və Latakiya hava limanlarına eniş etməyə başladığını və bunun yeddi həftə davam etdiyini bildiriblər.

 

BMT-nin məlumatına görə,  Suriyada zəlzələ nəticəsində 6000-dən çox insan ölüb.

İranın zəlzələlərdən sonra Suriyaya hərbi texnika daşımaq üçün humanitar yardım təyyarələrindən istifadə edib-etmədiyini soruşduqda, İranın Nyu Yorkdakı BMT-dəki missiyası bunun doğru olmadığını vurğulayıb.

İnqilab Keşikçiləri Qvardiyasının Qüds Qüvvələrinin rəhbəri, briqada generalı Esmail Qaani Əsədin özü gəlməmişdən bir neçə gün əvvəl Suriyanın zəlzələ bölgəsinə ayaq basan ilk xarici rəsmi olub.

 

Humanitar fəlakət baş verərsə, BMT-nin yardım təyyarələrinə yerli hakimiyyət orqanlarından eniş hüququ almağa icazə verilir və humanitar mallar sanksiyalardan azad edilir. Suriya Rusiya və İrandan gələn birbaşa uçuşlara eniş hüququ verib.

Adının çəkilməsini istəməyən Suriya ordusunun zabiti bildirib ki, israillilər Suriyada İranı məğlub etmək üçün səylərini artırıblar.

Aprelin 3-də baş verən növbəti zəlzələlərdən sonra İsrailin hədəfləri Dəməşqin cənubundakı Cəbəl Manea Kisva dağ silsiləsindəki silah anbarlarını da daxil edib. 

 

Aytac