"Denq qızdırması"ndan ölənlərin sayı 350 nəfəri keçib

 

Banqladeş səhiyyə nazirliyinin məlumatına görə, son 24 saatda xəstəxanaya yerləşdirilənlərin sayı rekord həddə çatıb.

Son 24 saatda 2884 nəfərin xəstəxanaya yerləşdirildiyi, 2023-cü ilin ən yüksək səviyyəsi olduğu bildirilib.

Açıqlamada təkcə paytaxt Dəkkədə denq qızdırmasından ölənlərin sayının 276-ya çatdığı, bu il ölkə daxilində təxminən 75 min insanın xəstəxanalara yerləşdirildiyi bildirilib. 

Alimlər xəbərdarlıq edir ki, yüksək temperatur və uzun sürən yağışlar malyariya və denq qızdırması daşıyan ağcaqanadların artmasına səbəb olur.

 

2022-ci ildə Banqladeşdə "Denq” qızdırmasından 281 nəfər ölüb. Ümumilikdə ölkədə 62 423 nəfər bu virusa yoluxub.

Tropik və subtropik iqlimi olan ölkələrdə "Denq” qızdırması daha çox yayılır. Virusun daşıyıcıları dişi ağcaqanadlar hesab olunur.

 

Hər il təxminən 290 milyon insan denqi xəstəliyinə yoluxur. Denqinin endemic olduğu ərazilərdə yaşayanlar, eləcə də həmin ərazilərə səyahət edənlər risk qrupuna daxildirlər.

 

Həşərat əleyhinə vasitələrdən – pikardin, DEET, evkalipt limon yağı – istifadə etmək lazımdır. Adları çəkilən vasitələr ağcaqanadlardan uzunmüddətli mühafizəni təmin edir.