Hindistanda müəllim şagirdlərə müsəlman olan sinif yoldaşını sillələməyi deyib

Hindistanda polis, müəllimin şagirdlərini müsəlman olan 7 yaşlı sinif yoldaşını sillələməyə təşviq etdiyi videonun ölkədə geniş etirazlara səbəb olmasından sonra məsələni araşdırmağa başlayıb. Bunun barədə CNN xəbər verib. 

Uttar Pradeş ştatının şimalındakı Müzəffərnaqar rayonunda baş verən hadisənin videosunda oğlanın qorxu içində sinif yoldaşlarının qarşısında dayandığı, müəllimin şagirdləri vurmağa çağırdığı görünür. 

Sinif yoldaşları növbə ilə ona şillə vurduqca oğlan ağlayır, müəllimin isə şagirdlərə bunu "düzgün” etmələrini söyləməsi eşidilir. Şillə davam edərkən oğlanın ağlaması ilə bərabər bir kişidən gülmə səsi gəlir. 

Müzəffərnaqarın polis rəisi Prajapat müəllimin şagirdlərə "vurma cədvəlini xatırlamadığı üçün” uşağı vurmalarını söyləyib. 

Prajapata görə, müəllim oğlanın dininə də söz deyib.

Məsələ ilə bağlı rayon polis tərəfindən müəllimə qarşı cinayət işi açılıb, araşdırma aparılır. Rayon rəsmiləri də məktəbin bağlanmasını əmr ediblər. 

Hindistan qanunvericiliyində uşaqları hədəf alan cismanı cəzanın qanuni tərifi yoxdur, lakin ölkənin Uşaqların Pulsuz və İcbari Təhsil Qanununa əsasən fiziki cəza və psixi təzyiq qadağandır. 

Müəllim 7 yaşlı uşağın atasının ondan uşağı cəzalandırmasını xahiş etdiyini iddia edib və o əlil olduğuna görə bunu edə bilmədiyini və buna görə də digər şagirdlərə onu cəzalandırdığını söyləyib. 


www.anews.az