Cənubi Afrikada baş verən yanğın nəticəsində ən azı 73 nəfər ölüb

Cənubi Afrikanın Yohannesburq şəhərində yüzlərlə qeyri-rəsmi yaşayış məntəqəsinin yerləşdiyi beşmərtəbəli binada baş verən yanğın nəticəsində ən azı 73 nəfər ölüb, onlarla insan yaralanıb. Bu barədə CNN xəbər verib.  

Səlahiyyətlilər, binanın hər mərtəbəsində diqqətlə hərəkət etdiklərini, sağ qalanları axtardıqlarını və yanmış cəsədləri çıxararaq küçələrə qoyduqlarını açıqlayıb. Yerli medianın məlumatına görə, uşaqların da öldüyü ehtimal edilir.

Xilasedicilərin sözlərinə görə, hazırda yanğın söndürülüb.

Şəhərin fövqəladə hallar xidmətinin sözçüsü Robert Mulaudzinin sözlərinə görə, ölənlərdən əlavə, 50-dən çox insan yaralanıb.

Yanğından bir neçə dəqiqə sonra çəkilən videolarda nəhəng narıncı alovların bir binanın aşağı mərtəbəsini bürüdüyü və çöldə dayanan çoxlu insan olduğunu göstərir. 

31 avqust səhər saatlarında çəkilən fotolarda yanmış və mühasirəyə alınmış ərazilərin ətrafına toplaşan izləyicilər, sınmış şüşə pəncərələr və binanın ətrafına səpələnmiş paltarlar görünür.

Yanğının baş vermə səbəbi hələ də dəqiq bilinmir, həmçinin səlahiyyətlilər bunun qəsdən olub-olmadığı haqqında məlumat verməyib. Yanğın yerli vaxtla saat 1:30 radələrində binanın içərisində çoxlu adam yatarkən baş verib.

Cənubi Afrikada son aylarda ölkə daxilində qeyri-rəsmi yaşayış məntəqələrində başqa dağıdıcı yanğınlar baş verib.

www.anews.az