İran ali lideri İsraili hədələdi: Bu "şiddətli sillə" ilə bitəcək

Onun sözlərinə görə, HƏMAS-ın İsrail ərazisinə hücumlarından sonra İsrail ordusunun Qəzza zolağındakı hərəkətləri ölkəyə "daha ​​böyük fəlakətlər” gətirəcək.

Xamneyi həmçinin İranın HƏMAS əməliyyatının planlaşdırılmasına kömək etməsi ilə bağlı iddiaları da rədd edib. 

"İsrail rejiminin hazırkı hökuməti günahkardır. Təbii ki, biz Fələstini və onun mübarizəsini dəstəkləyirik” , - Bloomerg İran ali dini liderinə istinadan yazıb.

Bundan əvvəl İran prezidenti İbrahim Rəisi bildirib ki, Tehran İsraillə münaqişənin hazırkı raundunda Fələstinin Həmas hərəkatının hərəkətlərini tam dəstəkləyir.

Oktyabrın 7-də HƏMAS İsrailə bir neçə min raket atıb və Əl-Əqsa Daşqını əməliyyatının başladığını elan edib.
 
Bunun fonunda İsrailin milli təhlükəsizlik naziri İtamar Ben-Qvir oktyabrın 7-də ölkədə fövqəladə vəziyyət elan edib.

İsrailin baş naziri Netanyahu ölkənin müharibə vəziyyətində olduğunu bəyan edib. İsrail ordusunun HƏMAS-a qarşı əməliyyatı "Dəmir qılınclar” adlandırıb.
 
Baş verən hadisələr  fonunda İsraildə  800 nəfər ölüb, 2750 nəfər yaralanıb. Qəzzada  isə 510 nəfər öldüyü , 2243 nəfər yaralandığı bildirilir. 
 
Avropa İttifaqı oktaybrın 10-da HƏMAS-ın İsrailə hücumu ilə bağlı fövqəlada iclas keçirəcəyini açıqlayıb. 
 
Aytac 


www.anews.az