Türkiyədə PKK-nın rəhbərlərinin biri saxlanılıb
07.11.2023 12:35
Türkiyədə keçirilən əməliyyat nəticəsində PKK terror qruplaşmasınn rəhbər şəxslərindən biri Ayşe Arslan zərərsizləşdirilib. Bu barədə "Hurriyet” qəzeti yazıb.
Bildirilib ki, əməliyyat İraqın şimalında Hakurk məntəqəsində keçirilib.
Kod adı "Tekoşin Cizre” olan Ayşe Arslan 2004-cü ildə terror qruplaşmasına qatılıb.
2014-cü ildə PKK-nın Suriyadakı qolu olan YPG/PYD-də fəaliyyət göstərib.
Türkiyənin təhlükəsizlik qüvvələrinin PKK/KCK/PYD-YPG, İŞİD və FETÖ terror təşkilatlarına qarşı mübarizəsi ölkə daxilində və sərhədlərdən kənarda qətiyyətlə davam edir. İraq və Suriyanın şimalı da daxil olmaqla, aparılan əməliyyatlar nəticəsində son bir həftədə 87 terrorçu zərərsizləşdirilib. Beləliklə, zərərsizləşdirilən terrorçu sayı bu il 1802-yə, əməliyyatların başladığı 2015-ci il iyulun 24-dən isə 39 min 145-ə çatıb.
Suriyadakı əməliyyat bölgəsində isə il ərzində 425 təxribat və hücum cəhdinin qarşısı alınıb, 23-ü son bir həftədə olmaqla, ümumilikdə 1321 terrorçu zərərsizləşdirilib.
Aytac Zeynalova
www.anews.az
Instagram
Bizi Instagramda izləyin
Oxşar xəbərlər
Oxşar xəbərlər
Foto
Video
