İsraildə ölən əsgərlərin sayı açıqlanıb

Fələstinli Məhbuslar Dərnəyi və Fələstinli Əsirlər və Azad Edilənlər Təşkilatının bəyanatına görə, İsrail ordusu və mülki yəhudi işğalçılarının son 40 gündə 197 fələstinlini qətlə yetirib, İordan çayının qərb sahili və Qüdsdə 2735 nəfəri saxlayıb.

 

Fələstin dövlət xəbər agentliyinin məlumatına görə, İsrailin Qəzzanın mərkəzindəki məscidə təşkil etdiyi hava hücumunda 50 nəfərin ölüb.

 

Qəzza zolağında hökumətin mediya ofisindən edilən açıqlamaya görə, Qəzzada ölənlərin sayı 11 min 180-ə yüksəlib. 

"Həlak olanlardan 4 min 609-u uşaq, 3 min 100-ü qadındır. Hücumlarda 198 tibb işçisi, 20 mülki müdafiə zabiti və 49 jurnalist həyatını itirib. Bundan əlavə, hücumlarda yaralananların sayı yüzdə 70-i qadın və uşaq olmaqla 28 min 200-ə yüksəlib”, - açıqlamada bildirilib.
 
İsrail mətbuatı məlumat yayaraq ölənlərin sayının 1200-ü keçdiyini qeyd edib.
 
Qəssam Briqadaları "Telegram” səhifəsində açıqlama verərək Qəzzanın şimal-qərbində iki İsrail hərbi maşınının "Yasin-105” tank əleyhinə raketlərlə məhv edildiyi iddia ediblər.

 
Fələstin Jurnalistlər Birliyi "Facebook” səhifəsində Qəzza zolağında İsrailin hücumları nəticəsində həyatını itirən media mənsublarının sayı 38-ə yüksəldiyini deyib.

Oktyabrın 7-si İsrail ərazisi Qəzza zolağından raket atəşinə tutulub. Qəzza zolağına nəzarət edən HƏMAS hərəkatı İsrailə qarşı genişmiqyaslı hərbi əməliyyata başladığını bildirib. Bunun ardınca İsrail ordusu Qəzza zolağında "Dəmir qılınclar” adını verdiyi hərbi əməliyyata başlayıb.

Aygün Mirakif