Ərdoğan Zelenski ilə taxıl dəhlizini müzakirə edib

Türkiyə Prezidenti Rəcəb Tayyib Ərdoğan və ukraynalı həmkarı Volodimir Zelenski arasında telefon danışığı olub.

Bu barədə Türkiyənin Prezident Administrasiyasının mətbuat xidməti məlumat yayıb.

Danışıq zamanı Türkiyənin dövlət başçısı bildirib ki, "Türkiyə həm Ukraynada, həm də Fələstin torpaqlarında axan qanların dayandırılması və daimi sülhün təmin olunması üçün gərgin səylər göstərir”. Türkiyə liderinin sözlərinə görə, Türkiyə Ukraynada sülhün təmin olunması üçün vasitəçi rolunu öz üzərinə götürməyə və sülh danışıqlarına ev sahibliyi etməyə hazırdır.