Türkiyədə terror aktına hazırlaşan PKK üzvlərini zərərsizləşdirdilər

"Yeganə məqsədləri bölgədə qan tökmək olan PKK/YPG terrorçularına layiq olduqları şəkildə müdaxilə edirik! Qəhrəman Türk Silahlı Qüvvələrimiz Suriyanın şimalındakı "Barış pınarı” bölgəsinə hücum hazırlığında olan üç PKK/YPG terrorçusunu zərərsizləşdiriblər”, - paylaşımda qeyd edilib.

 

Türk ordusu yanvarın 1-dən noyabrın 16-na qədər İraq və Suriyanın şimalı da daxil olmaqla 2 min 84 terrorçunu zərərsizləşdirib. Bu barədə Türkiyənin milli müdafiə naziri Yaşar Gülər bildirib.

Xüsusilə son 4 ayda İraq və Suriyanın şimalındakı terror hədəflərinə qarşı ümumilikdə 1 min 110 hədəf məhv edilib, 820 terrorçu zərərsizləşdirilib.
Bundan əlavə, il ərzində 122 terrorçu təslim olub.

Yanvarın 1-dən bu günədək 199 min 898 nəfərin Türkiyə sərhədlərindən qanunsuz şəkildə keçməsinin qarşısı alınıb. 13 min 156 qeyri-qanuni mühacir və 410-u FETÖ-çü olmaqla 590 terrorçu hüquq-mühafizə orqanlarına təhvil verilib.

Aytac Zeynalova