Pakistanda ordu yüksək döyüş hazırlığı vəziyyətinə gətirilib

Pakistan silahlı qüvvələri son dərəcə yüksək döyüş hazırlığı vəziyyətinə gətirilib. Bu barədə "Reuters” Pakistan təhlükəsizlik güclərindəki mənbəyə istinadən məlumat yayıb.

Qeyd olunub ki, Pakistan istənilən təxribata qətiyyətli cavab verəcək.

Bundan əvvəl Pakistan Xarici İşlər Nazirliyi antiterror əməliyyatı keçirildiyini bəyan edib və əməliyyat zamanı ölkənin silahlı qüvvələrinin İranın Sistan və Bəlucistan əyalətində ekstremistlərin sığınacaqlarına hücum etdiyi bildirilib.