Tbilisidə etirazçılara qarşı bibər qazından istifadə edilib - Video

Gürcüstanda hakim "Gürcü Arzusu” partiyasının təqdim etdiyi "Xarici agentlər haqqında” qanun layihəsi əleyhinə etiraz aksiyası davam edir.Bu barədə TASS məlumat yayıb.

Gürcüstan parlamentinin həyətində səfərbər olunmuş Daxili İşlər Nazirliyinin xüsusi təyinatlıları qanunverici orqanın xidməti girişinin qapılarını silkələməyə çalışan etirazçılara qarşı su və bibər qazından istifadə ediblər.

Bu gün Gürcüstan parlamenti plenar iclasda ikinci oxunuşda "Xarici agentlər haqqında” qanun layihəsini dəstəkləyib. 83 deputat qanunun lehinə, 23-ü əleyhinə səs verib.