Gürcüstanda “xarici agentlər haqqında” qanun qüvvəyə minib

Bu qanun gəlirlərinin 20%-dən çoxunu xaricdən əldə edən qeyri-hökumət təşkilatlarını və KİV-ləri Milli Dövlət Reyestri Agentliyində qeydiyyatdan keçirməyə məcbur edir.

Qanunda qeyd olunur ki, xarici dövlətin maraqlarını güdən təşkilatlar qeydiyyatdan yayınarsa 25 min lari (9 min dollardan çox) məbləğində cərimələnəcəklər. 

Gürcüstanda QHT-lərin dəqiq sayı məlum deyil, lakin hakim "Gürcü arzusu” partiyasının sədri İrakli Qaribaşvili jurnalistlərə bildirib ki, haqırda ölkədə üç minə yaxın təşkilat var və  onların böyük əksəriyyəti xarici maliyyə yardımı hesabına fəaliyyət göstərir.

Parlamentin qəbul etdiyi "xarici agentlər” haqqında qanun gürcü müxalifətinin etirazına və Gürcüstan hökumətinə maliyyə yardımını qismən dayandıran ABŞ və Avropa İttifaqının mənfi reaksiyasına səbəb olub.