ABŞ siyasətçilərinə sui-qəsd hazırlamaqda ittiham olunan şəxs saxlanılıb

 

Telekanalın məlumatına görə, Nyu-Yorkun Bruklin ərazisində  federal prokurorlar tərəfindən irəli sürülən ittihamlara əsasən, 46 yaşlı Asif Merchant avqustun sonu və ya sentyabrın əvvəlində planlaşdırılan qətllərin icra edəcək adamla görüşmək üçün Nyu-Yorka gəlib. 

"FTB müstəntiqləri hesab edir ki, ABŞ-ın keçmiş prezidenti Donald Tramp və digər hazırkı və keçmiş ABŞ hökumət rəsmiləri planlaşdırılan sui-qəsdin hədəfi olublar", - CNN məlumatlı mənbəyə istinadən yazıb. 

Prokurorların sözlərinə görə,  Merchant iyulun 12-də ABŞ-ı tərk etmək istəyərkən saxlanılıb və hazırda həbsdədir.

Araşdırmaya görə, pakistanlı tacir "bir müddət İranda yaşayıb” və  hətta bu ölkədə ailə qurub.  

"Rəsmi bildirib ki, İran hakimiyyətinin Trampa qarşı məlum hədələri FTB-ni məlumatları ABŞ Məxfi Xidmətinə ötürməyə vadar edib ki, bu da keçmiş prezidentin müdafiəsini gücləndirib”.

FTB, Pensilvaniyadakı mitinqdə Trampa sui-qəsd cəhdindən bir neçə həftə əvvəl mümkün sui-qəsd barədə məlumatlı olub, amma  müstəntiqlər əlində sübutlar olmadığı üçün Merchanti saxlaya bilməyiblər. 

Trampa sui-qəsd cəhdi iyulun 13-də Pensilvaniyada seçki kampaniyası zamanı baş verib. Hadisə nəticəsində Tramp yaralanıb və tədbir iştirakçılarından biri isı  ölüb.

İran hakimiyyəti  isə  Amerika mediasının iddialarının əksinə olaraq, Trampa qarşı hər hansı sui-qəsd hazırlamadığını bildirib. 

CNN-in məlumatına görə, İranı Trampı güllələyən gənc amerikalı ilə əlaqələndirən heç bir məlumat yoxdur.