Dmitri Kuleba istefa verib

Ukraynanın xarici işlər naziri Dmitri Kuleba istefa ərizəsini təqdim edib. Bu barədə Ali Radanın spikeri Ruslan Stefançuk öz Facebook səhifəsində yazıb.

"Ukrayna Ali Radası Ukraynanın Xarici İşlər Naziri Kuleba istefa verib”, - mesajda deyilir.

Nazirin bəyanatına qarşıdakı plenar iclaslardan birində baxılacaq.

Kulebanın istefasını əvvəllər Ali Radanın deputatı Aleksey Qonçarenko proqnozlaşdırmışdı. Onun sözlərinə görə, nazirə artıq "kağız və qələm verilib”.

Bir gün əvvəl Ukraynanın baş nazirinin müavini və reinteqrasiya naziri İrina Vereşçuk istefa verdiyini açıqlayıb.

RBC-Ukraynanın məlumatına görə, Ukrayna Ədliyyə Nazirliyinin rəhbəri Denis Malyuska , Ukraynanın strateji sənaye naziri Aleksandr Kamışin , eləcə də ətraf mühitin mühafizəsi naziri Ruslan Strelets oxşar addım atıblar.