Tramp İtaliyanın Baş naziri ilə görüşüb

İtaliyanın Baş naziri Corca Meloni danışıqlar üçün ABŞ-nin yeni seçilmiş prezidenti Donald Trampın Mar-a-Laqodakı (Florida ştatı) iqamətgahına gəlib.Bu barədə "The New York Times” (NYT) qəzeti mənbələrə istinadən məlumat yayıb.

"Görüş Meloninin tərəfdarlarının mühafizəkar İtaliya Baş nazirinin Avropada Trampın əsas müttəfiqinə çevriləcəyinə olan ümidlərini gücləndirir”, – məqalədə yazılıb.

NYT qeyd edib ki, görüşün gündəliyi aydın olmasa da, müşahidəçilər Meloninin Trampla respublikaçının Avropa ölkələri ilə fikir ayrılıqlarının yumşaldılmasını müzakirə edəcəyini gözləyirlər.