“TikTok” ABŞ-də fəaliyyətini bərpa edib - Yenilənib

ABŞ-də TikTok mobil tətbiqi istifadəçilər üçün yenidən aktivləşdirilib.

 

Proqrama daxil olan istifadəçiləri "Yenidən xoş gəlmisiniz. Səbriniz və dəstəyiniz üçün təşəkkür edirik. ABŞ-nin yeni seçilmiş prezidenti Donald Trampın səyləri sayəsində TikTok yenidən ABŞ-yə qayıdır” mesajı qarşılayır.

 

"Davam et” düyməsinə basdıqdan sonra xidmət normal rejimdə işləməyə başlayır. Bununla belə, tətbiq hələ də Apple App Store-da yükləmə üçün əlçatan deyil.

 09:50

 

"TikTok” ABŞ-da fəaliyyətini dayandırıb.

ABŞ-də mobil tətbiqə daxil olmaq istəyənlər müvafiq bildirişlə qarşılaşırlar:

"ABŞ-da "TikTok”un qadağan edilməsinə dair qanun qəbul edilib.

Buna görə də siz, "TikTok”dan istifadə edə bilməzsiniz”.

Xidmət "App Store”da axtarış nəticələrində görünmür, "Google Play”də isə sosial şəbəkəni yükləmək mümkündür, lakin quraşdırıldıqdan sonra proqram işləmir.

 08:50

Prezident Cozef Bayden Administrasiyasının qüvvəyə minən qadağası səbəbindən "TikTok” yanvarın 19-da ABŞ-də fəaliyyətini dayandırır.Bu barədə xarici KİV-lər xəbər verir.

 

ABŞ-də 170 milyona yaxın istifadəçisi olan xidmət bu həftə Birləşmiş Ştatlarda fəaliyyətini dayandıracağını bildirib, çünki hazırkı hakimiyyətdən fəaliyyətinin davam etdirilməsinin ona və tərəfdaşlarına cərimələrə səbəb olmayacağına dair heç bir zəmanət almayıb.

Bazar günü "TikTok” istifadəçilərinin xidmətə girişinin kəsiləcəyi və mobil tətbiqin "Apple” və "Google”dan silinəcəyi gözlənilir, çünki Amerika qanunlarına görə Ədliyyə Nazirliyi onlardan, eləcə də hostinq provayderlərindən bir istifadəçi üçün 5 min dollara qədər cərimə toplamaq hüququna sahib olacaq.

Qadağa və cərimələr istifadəçilərin özlərinə şamil olunmur.

 

CNN telekanalı qeyd edib ki, amerikalılara VPN xidmətlərindən istifadə edərək tətbiqə giriş imkanı veriləcək.