Aİ Rusiyada joystick və oyun konsollarının satışını qadağan edəcək

Avropa İttifaqı Rusiyaya qarşı 16-cı sanksiyalar paketinə oyun konsolları, kontrollerlər və uçuş simulyatorları üçün joystiklərin satışına qadağa daxil edəcək. Bu barədə Reuters agentliyinə avropalı diplomat bildirib.

Diplomatlardan birinin sözlərinə görə, oyun qurğuları Rusiya hərbçiləri tərəfindən pilotsuz uçuş aparatlarını idarə etmək üçün istifadə edilə bilər.

2022-ci ildən etibarən oyun konsolları Rusiyaya paralel idxal yolu ilə tədarük edilir, çünki istehsalçılar artıq onları birbaşa təmin etmirlər. Bir çox brendlərin nümayəndələrinin Rusiyanı tərk etməsinə baxmayaraq, yerli şəbəkələr heç bir problem olmadan PlayStation 5, Xbox Series X/S, Nintendo Switch və digər oyun konsollarını satmağa davam edir.

Bundan əvvəl “Achivka” idxal şirkətinin baş direktoru, Rusiya Video Oyunların Distribyutorları və İdxalçıları Assosiasiyasının rəhbəri Yaşa Haddaji qeyd edib ki, Aİ- də oyun konsolları istehsal edən bir dənə də olsun ölkə yoxdur.

Gülnar