Hindistan ABŞ hakimiyyətinin təhdidlərinə görə Rusiya neftinə alternativ axtarır

ABŞ prezidenti Donald Trampın Rusiyaya qarşı mümkün yeni sanksiyalar barədə xəbərdarlıq etməsindən sonra Hindistanın neft emalı zavodları qlobal bazarda alternativ neft mənbələri axtarır. Bu barədə Bloomberg yazır.

“Bharat Petroleum Corp və Hindustan Petroleum Corp. dövlət şirkətləri Yaxın Şərq, Şimal dənizi və Aralıq dənizi kimi regionlardan may ayı tədarükləri üçün əlavə mənbələr axtarırlar”, - məqalədə deyilir.

Bundan əlavə, agentlik yazır ki, bir qayda olaraq, növbəti ayda tədarük üçün müqavilələrin imzalanması hazırkı ayın əvvəlində başa çatır.

Amerika mətbuatı Trampın Zelenski və Ukrayna haqqında söylədiyi sözlərə görə Rusiya prezidenti Vladimir Putinə “qəzəbli” olduğunu fəal şəkildə müzakirə edir. ABŞ lideri  Ukrayna sülh sazişi tezliklə imzalanmasa, Rusiyadan gələn bütün neftə ikinci dərəcəli sanksiyalar tətbiq edəcəyi ilə hədələyib. Ağ Ev rəhbəri Putinin ölkədə seçkilərin keçirilməsi üçün BMT-nin himayəsi altında müvəqqəti idarəetmənin tətbiqi təklifinə belə cavab verib.  

Aytac