Tramp Putinlə hərbi kosmos məsələlərini müzakirə edəcək

ABŞ prezidenti Donald Tramp yaxın gələcəkdə Rusiya prezidenti Vladimir Putinlə hərbi kosmos sahəsindəki məsələləri, o cümlədən Rusiyanın iddia edilən kosmik nüvə silahı proqramlarını müzakirə etməyi planlaşdırır.  Bu barədə o, çərşənbə axşamı Ağ Evdə jurnalistlərə açıqlamasında deyib.

Trampın sözlərinə görə, mayın 19-da Putinlə baş tutan telefon danışığında bu məsələ gündəmə gətirilməyib.

“Biz bunu müzakirə etmədik. Amma münasib vaxtda edəcəyik,” — o bildirib və əlavə şərh verməkdən imtina edib.

Trampın bəyanatı ABŞ-ın Rusiyanın kosmosda nüvə silahı yerləşdirməsi ilə bağlı narahatlığı fonunda səslənib.

N.Təbrizli