Avstriyada məktəbə silahlı hücum edən şəxsin erməni kökü bəlli olub

Avstriyanın Qrats şəhərində  iyunun 10-da məktəbdə silahlı hücum törədən şəxsin 21 yaşlı Artur A. olduğu müəyyən edilib. Bu barədə  Kronen Zeitung xəbər verir.

Məlumata görə, onun ata xətti ilə erməni kökləri olub. Hücumdan əvvəl anasına video-müraciət göndərərək üzr istəyib və göstərdiyi qayğıya görə təşəkkür edib. Ana bu mesajı yalnız 24 dəqiqə sonra izləyib.

Vida məktubunda Artur sinif yoldaşlarının ona qarşı zorakılığına və məktəb rəhbərliyinin buna biganə qalmasına görə narahatlığını bildirib. O, həmçinin pişiyinin taleyindən nigaran qalacağını və qohumlarından ona baxmalarını xahiş edib.

Hücum nəticəsində 10 nəfər həlak olub, 28 nəfər yaralanıb. Qurbanlar arasında şagirdlər və bir yetkin şəxs var. Artur A. hadisədən sonra məktəbin tualetində intihar edib.

Avstriya hökuməti ölkədə üçgünlük matəm elan edib.

N.Təbrizli