Kreml: Putin və Zelenski arasında görüş yaxın vaxtlarda baş tutmaya bilər

Rusiya və Ukrayna prezidentləri arasında mümkün yüksək səviyyəli görüş yalnız tərəflər arasında ekspert səviyyəsində əldə olunmuş razılaşmaların təsdiqlənməsi və sülh prosesinin yekunlaşdırılması məqsədi daşımalıdır. Bunu Kremlin sözçüsü Dmitri Peskov jurnalistlərə açıqlamasında deyib.

“Hazırda Rusiya və Ukraynanın mövqeləri tamamilə ziddiyyət təşkil edir və onların tezliklə bir-birinə yaxınlaşması mümkün deyil”, –  Peskov bildirib.

Rusiya prezidenti Vladimir Putin və Ukrayna prezidenti Vladimir Zelenski arasında avqustun sonuna qədər görüşün keçirilib-keçirilməyəcəyi ilə bağlı suala cavab verən Kremlin sözçüsü əlavə edib ki, “hazırlıq işlərinin mürəkkəbliyini nəzərə alaraq, belə bir görüşün yaxın 30 gün ərzində baş tutma ehtimalı çox azdır”.

Aytac