İsrailin Qərb Sahilini ilhaqına ABŞ etiraz etməyəcək – Axios

ABŞ dövlət katibi Marko Rubio qapalı görüşlərdə İsrailin Qərb Sahilini ilhaq etməsinə qarşı çıxmadığını və Donald Tramp administrasiyasının buna mane olmayacağını bildirib. Bu barədə Axios İsrail mənbələrinə istinadən yazır.

Eyni zamanda ABŞ prezidentinin xüsusi nümayəndəsi Stiv Uitkoff xəbərdarlıq edib ki, belə addım İsrailin Səudiyyə Ərəbistanı iləmünasibətlərinin  normallaşma imkanlarını zəiflədə və Vaşinqtonun ərəb ölkələri ilə Qəzzanın müharibədən sonrakı idarəçiliyi üzrə koordinasiyasını çətinləşdirə bilər.

Daha əvvəl BƏƏ administrasiyaya bildirmişdi ki, İsrailin ilhaq siyasəti “İbrahim Sazişlərinə” zərbə vurar və onların genişlənməsi ilə bağlı gözləntilərə mane olar.

Əmirliklərdən yüksək vəzifəli rəsmilər qeyd ediblər ki, hazırda İsrailin qarşısında seçim “ilhq və ya inteqrasiya”dır.

Ağ Ev və Dövlət Departamenti xəbərə şərh verməyib.

N.Təbrizli