Windows süni intellekt əsaslı əməliyyat sisteminə çevriləcək

Windows platforması süni intellektlə dərin inteqrasiyaya malik “agent tipli əməliyyat sistemi”nə çevriləcək. Bu barədə Microsoft şirkətinin Windows və Surface bölməsinin rəhbəri Pavan Davuluri bildirib.

Onun “X” sosial şəbəkəsində paylaşdığı açıqlama şirkətin süni intellekt yönümlü əməliyyat sistemi strategiyasını bir daha təsdiqləyib.

3DNews-un məlumatına görə, bu bəyanat Windows bölməsində İİ tətbiqini sürətləndirmək məqsədilə aparılan daxili yenidənqurmadan sonra verilib.

Açıqlama istifadəçilər arasında müxtəlif reaksiyalara səbəb olub.

Bir çoxları Windows-un Microsoft hesabı, OneDrive və Copilot kimi xidmətlərə artan asılılığını, sistemin yüklənməsini və yeniləmələrdəki nasazlıqları tənqid edib.

N.Təbrizli