Medvedev ABŞ-a cavab verib

Rusiyanın Təhlükəsizlik Şurası sədrinin müavini Dmitri Medvedev ABŞ Dövlət Departamentinin sosial şəbəkədə paylaşdığı mesaja şəkilli  cavab verib.

Medvedev X platformasında ABŞ Dövlət Departamentinin paylaşımına reaksiya olaraq Moskvadakı Xilaskar Məsih Kilsəsinin təsvir olunduğu açıqca yayımlayıb. Açıqcanın üzərində ingilis dilində “Don’t play games with Russia” (“Rusiya ilə oyun oynamayın”) ifadəsi yer alıb.

Bundan əvvəl U.S. Department of State eyni platformada "ABŞ Prezidenti Donald Trump"ın portreti ilə birlikdə rus dilində “Не играйте в игры с президентом Трампом” (“Prezident Trampla oyun oynamayın”) sözləri yazılan paylaşım dərc etmişdi.

N.Tebrizli