İran nüvə proqramının dinc xarakterinə zəmanət verməyə hazırdır — XİN

İran sanksiyaların ləğvi müqabilində nüvə proqramının tamamilə dinc xarakter daşıyacağına zəmanət verməyə hazırdır. Bu barədə ölkənin xarici işlər naziri Abbas Araqçi bildirib.

Araqçi Fox News telekanalına müsahibəsində İsrail və ABŞ-ın hərbi təhdidləri fonunda Tehranın danışıqlara qayıtmaq üçün hansı güzəştlərə hazır olduğu barədə suala cavab verib.

“Biz nüvə proqramımızın dinc xarakter daşıdığını və onun hər zaman dinc qalacağını təmin edə bilərik. Bunun müqabilində sanksiyaların ləğvini gözləyirik”, —  nazir bildirib.

N.Təbrizli