Ərdoğan Madyarı seçkilərdəki qələbəsi münasibətilə təbrik edib

Türkiyə Prezidenti Rəcəb Tayyib Ərdoğan Macarıstanda parlament seçkilərinin qalibi, “Tisa” partiyasının lideri Peter Madyar ilə telefon danışığı aparıb.Bu barədə Türkiyə Prezident Administrasiyasından məlumat verilib.

Tərəflər ikitərəfli münasibətləri və beynəlxalq gündəmdəki aktual məsələləri müzakirə edib,əməkdaşlığın inkişaf perspektivlərini nəzərdən keçirib, həmçinin regional və qlobal məsələlər üzrə fikir mübadiləsi aparıblar. 

Ərdoğan Madyarı seçkilərdəki qələbəsi münasibətilə təbrik edib və ikitərəfli əlaqələrin, eləcə də beynəlxalq platformalarda əməkdaşlığın genişlənəcəyinə ümidvar olduğunu bildirib.

Ərdoğan, həmçinin Ankaranın Budapeştlə strateji tərəfdaşlığı inkişaf etdirmək niyyətini vurğulayıb və regional sabitliyin təmin olunmasında NATO çərçivəsində müttəfiqliyin roluna diqqət çəkib.