Ağ Evin qarşısında atışma baş verib

Ağ Evin yaxınlığında atışma baş verib.Bu barədə  ABŞ Məxfi Xidməti məlumat yayıb.

Xidmətin sözçüsü Entoni Quqlielmi “X” platformasında açıqlamasında qeyd edib ki, hüquq-mühafizə orqanlarının müdaxiləsi zamanı açılan atəş nəticəsində bir nəfər güllə yarası alıb. Onun vəziyyəti barədə məlumat verilməyib.

Hadisə ilə əlaqədar Ağ Evin ərazisi müvəqqəti bağlanıb, jurnalistlər təhlükəsizlik məqsədilə binanın daxilinə təxliyə edilib.

“Əl-Cəzirə”nin jurnalisti Alan Fişer atəş səslərindən sonra Ağ Evin ətrafında təhlükəsizlik tədbirlərinin gücləndirildiyini bildirib.

CNBC jurnalisti isə ABŞ prezidenti Donald Trampın təhlükəsiz olduğunu qeyd edib.

Hadisənin motivi və detalları araşdırılır.