Tramp “8-9 ildən sonra vəzifədən gedəcəyini” deyib

ABŞ Prezidenti Donald Tramp Ağ Evdə kiçik və orta biznesə dəstək tədbirində çıxışı zamanı prezident postundan “səkkiz-doqquz ildən sonra” gedə biləcəyini açıqlayıb.

“Biz düzgün iş gördük. Buna görə də, məsələn, səkkiz-doqquz ildən sonra vəzifəmdən gedəndə onlardan istifadə edə biləcəyəm”,-o bildirib.

ABŞ Konstitusiyasına 1951-ci ildə qəbul edilmiş 22-ci düzəliş prezidentin vəzifədə qalmasını iki müddətlə məhdudlaşdırır. Buna baxmayaraq, Tramp daha əvvəl də üçüncü müddətə namizədliyini irəli sürə biləcəyinə dair fikirlər səsləndirib.

Tramp 2024-cü ilin noyabrında Demokratlar Partiyasının namizədi Kamala Harrisi məğlub edərək ikinci dəfə ABŞ prezidenti seçilib. O, ilk dəfə 2017-2021-ci illərdə prezident olub və 2016-cı il seçkilərində Demokrat namizəd Hillari Klintona qalib gəlib.

Gülnar