İsrailin müvəqqəti işlər vəkili İspaniya XİN-ə çağırılıb

İspaniya Qəzzaya doğru hərəkət edən flotiliyada olan İspaniya vətəndaşının saxlanılmasına etiraz olaraq İsrailin Madriddəki müvəqqəti işlər vəkilini Xarici İşlər Nazirliyinə çağırıb.

“The Tımes of Israel” xəbər verir ki, diplomata həbs olunmuş İspaniya vətəndaşının saxlanma müddətinin uzadılması ilə bağlı etiraz bildirilib. 

“Bu gün biz yenidən İsrailin müvəqqəti işlər vəkilini çağırdıq və vətəndaşımızın saxlanılma müddətinin uzadılmasının nə qədər qəbuledilməz və dözülməz olduğunu ona çatdırdıq”, – İspaniyanın xarici işlər naziri Xose Manuel Albares vurğulayıb.

Qeyd edək ki, İsrail məhkəməsi Fələstin əsilli İspaniya vətəndaşı Saif Abu Keşek və braziliyalı fəal Thiaqo Avilanın saxlanma müddətini bazar gününə qədər uzadıb.