Polşa Prezidenti sabah Türkiyəyə rəsmi səfər edəcək

Polşa Prezidenti Karol Navrotski 23-24 iyunda Türkiyədə rəsmi səfərdə olacaq.Bu barədə Türkiyə Prezident Administrasiyasının Kommunikasiya İdarəsinin "X" sosial şəbəkə hesabında məlumat paylaşılıb.

"Polşa Prezidenti Karol Navrotski Türkiyə Prezidenti Rəcəb Tayyib Ərdoğanın dəvəti ilə 2026-cı ilin 23-24 iyununda Türkiyəyə rəsmi səfər edəcək", - paylaşımda bildirilib.

Səfər çərçivəsində keçiriləcək görüşlərdə Türkiyə və Polşa arasında münasibətlərin bütün aspektləri nəzərdən keçiriləcək və mövcud əməkdaşlığın inkişaf etdirilməsi üçün atıla biləcək addımlar müzakirə olunacaq.

Görüşlərdə ikitərəfli münasibətlərlə yanaşı, regional və qlobal məsələlər haqqında fikir mübadiləsinin aparılması da nəzərdə tutulur.