Rusiya səfiri Finlandiya XİN-ə çağırılıb

Finlandiya Xarici İşlər Nazirliyi (XİN) ölkəyə qarşı kiberhücum ittihamları ilə əlaqədar Rusiyanın Helsinkidəki səfiri Pavel Kuznetsovu nazirliyə çağırıb. Bu barədə Finlandiyanın xarici işlər naziri Elina Valtonen "X" sosial şəbəkəsində bildirib.

"Finlandiya Rusiyanın zərərli kiber fəaliyyətini və kiberməkandan əməliyyat mühiti kimi sui-istifadə edilməsini pisləyir", – Valtonen qeyd edib.

Bundan əvvəl Rusiyanın Almaniyadakı səfiri Sergey Neçayev də Almaniya, Avropa İttifaqı ölkələri və Ukraynaya qarşı həyata keçirildiyi iddia olunan kiberhücumlarla bağlı Almaniya XİN-ə çağırılmışdı.