Ukrayna səfiri Türkiyə XİN-ə çağırılıb

Ukraynanın Ankaradakı səfiri Nəriman Cəlal Qara dənizdə Türkiyə şirkətinə məxsus gəminin və ona yardım üçün göndərilən digər gəminin vurulması ilə bağlı Türkiyə Xarici İşlər Nazirliyinə çağırılıb.Bu barədə TRT Haber xəbər verir.

Görüş zamanı Türkiyənin hücumlarla bağlı etirazı Ukrayna tərəfinə çatdırılıb.

Məlumata görə, avqustun 26-da Türkiyə şirkətinə məxsus gəmi Qara dənizdə Rusiyanın Tuapse sahilləri yaxınlığında vurulub. Avqustun 27-də isə həmin gəmiyə yardım üçün göndərilən digər gəmi də hücuma məruz qalıb.

Türkiyə XİN-dəki mənbə bildirib ki, görüş zamanı Qara dənizdə insanların və yüklərin, eləcə də gəmiçilik və ətraf mühitin təhlükəsizliyinin təmin edilməsinin vacibliyi ilə bağlı Ukrayna tərəfinə xəbərdarlıq edilib.