Pezeşkian və Mirzoyan TRIPP layihəsini müzakirə edib

İran Prezidenti Məsud Pezeşkian Ermənistanın xarici işlər naziri Ararat Mirzoyanı qəbul edib.Bu barədə Ermənistan mediası ölkənin Xarici İşlər Nazirliyinə istinadən məlumat yayıb.

Görüşdə Ermənistan-İran münasibətləri, enerji, infrastrukturun inkişafı və regional kommunikasiyaların açılması istiqamətində əməkdaşlıq məsələləri müzakirə olunub.

Mirzoyan Pezeşkiana TRIPP (“Tramp marşrutu”) layihəsinin icrası üzrə görülən işlər və onun region ölkələri üçün yarada biləcəyi imkanlar barədə məlumat verib.

Tərəflər regional sabitlik və təhlükəsizlik məsələləri ətrafında da fikir mübadiləsi aparıblar. Həmçinin İranın İrəvanda keçiriləcək COP17 konfransında yüksək səviyyədə iştirakı müzakirə edilib.