Dünyanın ən gözəl və cəsur pilot qadını - FOTO

Almaniyanın "Bild" qəzeti dünyanın ən gözəl və cəsur qadın pilotu haqqında məqalə dərc edib.

ANN.Az xarici ölkə mediasına istinadən xəbər verir ki, dünyanın ən gözəl və ən cəsur qadın pilotu kimi tanınan 23 yaşlı Niloofar Rhmani Əfqanıstan Hava Qüvvələrində xidmət edir.

"Bild" qəzetinin yzdığına görə, Niloofar Rhmani 2001-ci ildə Talibanın devrilməsindən sonra Əfqanıstanın ilk qadın pilotu olub. Xəbərdə gənc qadın pilotun ABŞ Xarici İşlər Nazirliyinin "International Women of Courage Award" ("Beynəlxalq qadın cəsarəti mükafatı") mükafatına layiq görüldüyü deyilir.
Niloofar Rhmani uşaq yaşlarından pilot olmaq arzusunda olub.  O, bunu üçün ən əvvəl ingiliscə öyrənib . 2010-cu ildə - 18 yaşı olarkən Əfqanısatn Hava Qüvvələrinə daxil olub və 2012-ci ildə təyyarəçilik məktəbini bitirib. Qadın olduğu üçün ona ölü və ya yaralı daşımaq qadağan olunub. Amma əmliyyatların birində yaralı əsgərlərə rast gələn N.Rhmani onları xəstəxanaya çatdırıb. Həmin yaralılar arasında yüksək rütbəli zabitlərin olması səbəbilə qadağanı pozduğuna görə ona cəza verilməyib.

Gözəl və cəsur pilot qadın dəfələrlə taliban üzərinə bombalar yağdırıb. Hazırda nəinki onun özü, hətta bütün ailə üzvləri taliban tərəfindən təhdidə məruz qalıb. Amma Niloofar Rhmani bütün təhlükə və təhdidlərə baxmayaraq Əfqanıstan Hava Qüvvələrində öz karyerasını davam etdirir.


www.ann.az