Nemtsovun Putini tənqid edən hesabatı axır ki çap olunur

Fevralın 25-də axşam Rusiya müxalifətinin liderlərindən olan Boris Nemtsov dostu, jurnalist İlya Yashin-in evinə gəlmiş və ondan Ukraynada döyüşən rus əsgərləri ilə bağlı hesabatını bitirməkdə kömək istəmişdi.

2 gün sonra Nemtsov Moskvanın mərkəzində qətlə yetirilmişdi. O, prezident Putinin ən sərt tənqidçilərindən idi. 

İndi həmin araşdırma başa çatdırılıb və nəşrə hazırdır. Yashin deyir ki, Nemtsovun apardığı araşdırma tam şəkildə qalmayıb. 

Çünki qətldən sonra Rusiya xüsusi xidmət orqanları onun evində axtarış aparmış, kompüterinin yaddaşını, əlyazmalarını da özüləri ilə aparmışdılar.

"Onun qətlindən sonra bir müddət şokda oldum, özümə gələndən sonra özümə söz verdim ki, onun başladığı işi başa çatdıracam" - deyir Yashin.

"Putin, Müharibə" adlanan hesabatın siqnal nüsxəsi artıq çapdan çıxıb. Bütün tiraj isə mayın 12-də işıq üzü görməlidir.