ABŞ Ukraynaya radar sistemi göndərir

ANN.Az xarici ölkə mediasına istinadən xəbər verir ki, Pentaqon Ukraynaya "Rusiyapərəst separatçı qüvvələrdən müdafiə olunmaq" məqsədilə güclü radar sistemi göndərməyi planlaşdırır.

"The Wall Street Journal" qəzetinin Vaşinqton rəsmilərindən birinə istinadən verdiyi məlumata görə, bu addımı ilə ABŞ Ukrayna hərbi gücünün artmasında maraqlı olduğunu nümayiş etdirir.

ABŞ mediası ABŞ Müdafiə Nazirliyinin bu niyyətinin hələ ki, Ağ Ev tərəfindən dəstəklənmədiyini yazıb. Qeyd edək ki, bundan əvvəl də uzun sürən müzakirələrdən sonra ABŞ Ukraynaya silah göndərməməklə bağlı qərarı vermişdi.