Həyatımıza bir andaca girib onu dəyişdirməyə müvəffəq olan ağıllı telefonlar şəxsi məlumatlarımızı və şəxsi həyatımızın bir hissəsini özündə daşıması artıq bir həqiqətdir. Amma bəzən həmin sirrlər kimlər tərəfindənsə, elə ələ keçirilir ki, ruhumuz belə incimir.
Həm şəxsi, həm də iş sənədlərimizi yaddaşında saxlayan ağıllı telefonlarımızın təhlükəsizliyi və içərisində olan sənədlərin ələ keçirilməməsi üçün elm adamları bir çox tədbirlərə əl atırlar. Müxtəlif ekran və fayl kilidləri, açar qoymaq və s. Amma bəzən sirrin qorunması üçün bunlar da yetərli olmur.
Ağıllı telefon istehsalçısı "Blackberry" və uçuş-təhlükəsizlik texnologiyaları firması olan "Boeing" getdikcə artan bu problemlə bağlı müştərək həll yolunu tapmaq üçün əməkdaşlığa başlayıb. Əslində "Boeing"in bir müddət əvvəl "Black" adlı ağıllı telefon üzərində iş apardığı bəlli idi, ancaq bu telefona dair hər hansı bir məlumat dünya ictimaiyyətinə dəqiq məlum deyil.
"Boeing" və "Blackberry"nin birgə layihəsi olan "Black" ağıllı telefonla bağlı işlərin sona çatdırıldığı deyilir. Məsələ ilə əlaqədar "Blackberry"nin icraçı direktoru Con Chen-in verdiyi açıqlamadan bəlli olub ki, sözügedən ağıllı telefonun ən gözəçarpan xüsusiyyəti onun özünü məhv etmə qabiliyyətinə malik olmasıdır. Eyni zamanda donan şifrələmə texnologiyasına sahib olacaq telefonun qapağı zorla açılarsa, ya da qırılmağa çalışılarsa, içərisində olan bütün məlumatlar avtomatik silinərək başqalarının əlinə keçməsinin qarşısı alınacaq.
Firmanın verdiyi açıqlamada qeyd olunub ki, bu ağıllı telefonlar əsasən dövlət qurumlarında, gizli xidmətdə çalışan insanlar üçün nəzərdə tutulub. Amma indidən görünür ki, bu telefonlara maraq daha çox olacaq. Telefonların bazara çıxış tarixi və qiyməti hələ açıqlanmayıb.
ANN.Az
Bizi sosial şəbəkələrdə izləyin !
