Azərbaycan Dövlət Neft Şirkətinin (SOCAR) "Neftqaztikinti” Tresti "Azneft” İstehsalat Birliyinin sifarişi ilə N.Nərimanov adına Neft Qaz Çıxarma İdarəsi tərəfindən istismar olunan 410 saylı estakadayanı meydançada əsaslı təmir işlərinə başlayıb.

"Report”un SOCAR-a istinadən verdiyi xəbərə görə, meydançanın istismarının daha keyfiyyətli təmin edilməsi məqsədi ilə həyata keçirilən işlər çərçivəsində müxtəlif ölçülü 46 svayın vurulması, ümumi çəkisi 150 ton olan 5 ədəd metal lövhənin quraşdırılması nəzərdə tutulur. 

Layihə üzrə 1000 kvadrat metr sahənin əsaslı təmiri gözlənilir. İşlər təhlükəsizlik və əməyin mühafizəsi üzrə bütün müasir tələblərə uyğun şəkildə aparılır.