Təhsil eksperti Kamran Əsədov hesab edir ki, yeni təklif olunan qərarlar bir sıra cavabsız suallar doğurdu.
"Yeni
təklif olunan qərarların müsbət tərəfi odur ki, tədris başlayır və martdan bu yana online təhsilə qoşula bilməyən uşaqlar məktəbə gedə biləcək. Çatışmayan
və cavabı hələ də məlum olmayan suallar da az deyil. Həftədə 2-3 dəfə məktəblərin fəaliyyəti
iki yerdə işləyən müəllimlər üçün bir sıra problemlər yaradacaq. Daha sonra 210
gün məktəbə gedən uşaqlar tədris proqramını 68 günə mənimsəməli olacaq. 37% müəllim isə risk qrupuna daxildir. Bu müəllimlərin necə əvəz olunması da hələ məlum
deyil. Çünki həmin müəllimlər dərsə getmədiyi halda onları əvəz edəcək kadrlar
olmalıdır. Maraqlıdır bu məsələ necə tənzimlənəcək?”, - deyə ekspert vurğulayıb.
Ekspert
onu da bildirdi ki, ali təhsillə bağlı verilən qərarlar ədalətli deyil.
Kamran
Əsədovun firincə, ən qəribə məqam isə ictimaiyyətdə təhsillə bağlı qərarların
müzakirəsi yox, məhz nazirin azərbaycanca danışması, gülümsəməsi daha çox diqqət çəkib.
Ekspert
son olaraq onu bildirdi ki, universitetlərdə ödənişli əsaslarla oxuyan uşağlara
güzəştlərin olmaması səhv qərardı.
" Düşünürəm ki, təhsil haqqları əvvəlki kimi tam formada ödənilməli deyil. Aəzrbaycanda 175 min tələbə var. Bunlardan 15 min 600 nəfəri dövlət tərəfindən dəstək alıb. Yerdə qalan 113 min tələbəyə isə heç bir güzəşt tətbiq olunmayıb. Bir sözlə ödənişlər müqavilədə göstərilən kimi yerinə yetirilmir”.
Milli
Məclisin elm və təhsil komitəsinin üzvü Kamilə Əliyeva isə bildirdi ki, təhsil
nazirinin təklif etdiyi yeni qaydalar indi pandemiya dövrü üçün məqsədəuyğundur.
Kamilə Əliyeva ödənişlərdə güzəştlərin edilməsindən də danışdı.
"Təhsil komitəsinin üzvü kimi mən dəfələrlə çıxışlarımda və Təhsil Nazirliyinin konfranslarında güzəştlərin olunması barədə təkliflər irəli sürmüşəm.
Ən azından tələbələrə ödənişləri hissə-hissə ödəmək imkanı yaradıla bilər. Düşünürəm ki, Milli Məclisdə təhsil kreditləri haqqında qanun layihəsi hazırlansa bu kimi problemlər öz həllini tapar”.
Məktəblərin açılması COVİD-19-a yoluxma sayına necə təsir edə bilər sualına baş infeksionist Cəlal İsayev belə cavab verdi:
" Bu
qərarları Təhsil Nazirliyi verməyib. Nazirlər Kabineti yanında Operativ Qərargahın verdiyi qərarlardı.
Əgər belə məsləhət biliblərsə sadəcə əməl etmək lazımdır. Mən sadəcə Operativ
Qərargahın verdiyi qərarları dəstəkləyirəm. Yoluxumaların sayında artımı gələcək
göstərəcək. Əgər xəstələrin sayında artım olacaq ehtimalı olsaydı Operativ Qərargah
belə qərar verməzdi” – deyə o, bildirib.
Gülnar Nazimqızı
www.anews.az
Bizi sosial şəbəkələrdə izləyin !