Bu ölkə koronavirusla mübarizədən imtina etdi
28.03.2020 10:33
İsveçdə koronavirusa yoluxmuş şəxslərin sayı artsa da hökumət sərt karantin rejimi tətbiq etməyi düşünmür. Belə ki, İsveçin baş epidemioloqu Anders
Teqnell deyib ki, isveçlilərdə virusa qarşı "kollektiv immunitet"in yaranmağı üçün ölkə əhalisi koronavirusa yoluxmalıdır. Bu barədə "Aftonbladet" nəşri yazır.
Onun fikrincə, yalnız yaşlılar və xroniki xəstəlikləri olanlar izolə olunmalıdırlar. O, bildirir ki, adamlar koronavirusa yoluxsalar, virus gücünü itirəcək və daha təhlükəli olmayacaq.
Hazırda İsveçdə COVID-19-a 3069 adam yoluxub, 105 insan isə ölüb.
Buna baxmayaraq restoran və məktəblər hələ də açıqdır. Həmçinin vətəndaşların hərəkətinə sərt məhdudiyyət qoyulmayıb. Onlara, sadəcə, imkan daxilində evdə qalmaq və yaşlı insanlarla ünsiyyəti məhdudlaşdırmaq məsləhət görülür.
Avropa İttifaqının vətəndaşları İsveçə sərbəst şəkildə daxil ola bilir.
ƏTRAFLI
optimal.az
Lakin bu nəzəriyyə təsdiqini tapmayıb. Epidemioloqun yanaşmasını artıq ölkənin Baş naziri Stefan Lövfen tənqid edib və bildirib ki, insanların həyatı və sağlamlığı təhlükə altındadır.
Qeyd edək ki, ölkə əhalisi hakimiyyətin epidemiyaya dair siyasətindən narazılıqlarını sosial şəbəkələrdə artıq bildirməyə başlayıblar. Sakinlər hakimiyyəti koronavirusa qarşı mübarizə tədbirlərini sərtləşdirməyə səsləyirlər.
www.anews.az
Foto 
Video 
