Bakıda süpürgəçi qadının ölümü ilə bağlı yeni xəbər

Keçən ilin dekabr ayının 6-da saat 7 radələrində paytaxtın Nizami rayonunun H.Əliyev prospektində idarə etdiyi "Mitsubishi” markalı maşınla süpürgəçi qadını vurub öldürən Bakı şəhər sakini Dadaşov Samir Boris oğlu barəsindəki cinayət işinin ibtidai istintaqı başa çatıb.

News24.az-ın məlumatına görə, idarə etdiyi "Mitsubishi” markalı avtomobillə Bakı şəhər sakini 1965-ci il təvəllüdlü Almagül Pilağa qızı Muradovanı vurub öldürən sürücü barəsində Cinayət Məcəlləsinin 263.2-ci, yəni, ölümlə nəticələnən yol qəzası törətmə maddəsi ilə açılan cinayət işinin materialları Nizami Rayon Məhkəməsinə göndərilib.

İşə hakim Nəriman Mehdiyevin sədrliyi ilə baxılacaq. 

Qeyd edək ki, məlum hadisə vaxtı xəstəxanaya yerləşdirilən qadın orada ölüb. Qəza Nizami rayonu, Heydər Əliyev prospektində "Bağırov" körpüsünün yaxınlığında baş verib.