Qanun pozuntularına vaxtında müdaxilə edilməlidir - Kamran Əliyev

Azərbaycan prokurorluğu dövlətin təhlükəsizliyinə və müdafiə qabiliyyətinə yönələn hərəkətlərlə bağlı qəti addımlar atıb və bundan sonra da atacaq. Qanun pozuntularına vaxtında müdaxilə edilməlidir. Amma bəzi xəbərdarlıqlar sosial şəbəkə istifadəçiləri tərəfindən aqressiv qarşılanır. Bu fikirləri Baş prokuror Kamran Əliyev Baş Prokurorluğun təşkilatçılığı ilə "Media azadlığı və sosial şəbəkələrin güclənən təsiri şəraitində cəmiyyətin informasiya təhlükəsizliyinin təmin olunması” adlanan işgüzar konfransda səsləndirib. 

"Bu gün medianın inkişafı üçün bütün lazımi tədbirlər həyata keçirilib. Medianın cəmiyyətdə rolu böyükdür. Prokurorluq orqanları da medianın fəaliyyətindən geniş istifadə edir və media orqanları ilə əməkdaşlıq edir. Sosial şəbəkələrdə gedən bütün məlumatlar izlənilir və tənqidi nəticələr çıxarılır. Biz medianın yaydığı məlumatlardan yararlanırıq. Mətbuatda gedən cinayət xarakterli məlumatları da izləyirik. Çalışırıq ki, kriminal xarakterli məlumatlara dərhal reaksiya verək", - o bildirib.

Kamran Əliyev vurğuladı ki, Prezident İlham Əliyev də mediaya diqqət ayırır.