Şəhid analarını təhqir edən Fuad Muradovla bağlı niyə tədbir görülmür? - Fotolar

Özünü Milli Fədailər Hərəkatının qurucusu kimi təqdim edən Fuad Muradov şəhid analarını təhqir edib.

O, "Azad söz”ün feysbuk vasitəsilə şəhidin evindən paylaşdığı canlı yayıma şəhid anaları ilə bağlı təhqiredici şərh yazıb.

Onun bu addımı qısa müddətdə sosial şəbəkələrdə gündəmə çevrilib və istifadəçilər tərəfindən sərt tənqid olunub. Bir çox insan hüquq mühafizə orqanlarının rəsmi hesablarını işarələyərək Fuad Muradovla bağlı tədbir görülməsini tələb edib.

Hadisədən artıq 3 gün keçməsinə baxmayaraq rəsmi qurumlar tərəfindən heç bir addım atılmayıb.

Məsələyə Daxili İşlər Nazirliyindən münasibət öyrənmək mümkün olmayıb.

 

 Fuad Muradov daha əvvəl də buna oxşar addım atmış, mitinqdə iştirak edən şəhid anaları ilə bağlı müzakirələrə səbəb olan şərh yazmışdı.