Bu il Azərbaycanda narkotikə görə 5412 nəfər saxlanılıb

 

Cinayət məsuliyyətinə cəlb edilmiş şəxslərdən 60 nəfəri xarici ölkə vətəndaşıdır.

 

"Məsuliyyətə cəlb edilmiş 60 xarici ölkə vətəndaşından 27-si İran İslam Respublikası, 13-ü Rusiya, 8-i Türkiyə, 7-si Gürcüstan, 1-i Türkmənistan,1-i Qazaxıstan, 1-i Pakistan, 1-i Ukrayna, və 1-i Maldiv vətəndaşı olmuşdur. Xarici ölkə vətəndaşlarından ümumilikdə 986 kq 995,565 qr və 4178 həb müxtəlif növ narkotik vasitə və psixotrop maddələr, habelə 16759 ədəd narkotik tərkibli çətənə bitkisi götürülüb", - Komissiyadan bildirilib.

 

Bu ilin 8 ayı ərzində narkotiklərlə bağlı 7440 fakt aşkarlanıb. Bildirilib ki, onlardan 2604 fakt satış, 4412 fakt saxlama, 352 fakt əkin və 72 fakt isə digərləri hesab olunub. 8 ay ərazində 4 ton 410 kq narkotik vasitə dövriyyədən çıxarılıb.

 

Bu ilin 8 ayı ərzində Daxili İşlər Nazirliyi tərəfindən bütün növ sərxoşluq hallarının müəyyənləşdirilməsi üçün Səhiyyə Nazirliyinin Respublika Narkoloji Mərkəzinə 58712 nəfər istiqamətləndirib. Onlardan narkotiklərdən istifadənin təyin edilməsi məqsədilə tibbi müayinədən keçirilmiş 2063 nəfərindən 1490-ının istifadəçi olması müəyyən olunub və bununla bağlı zəruri tədbirlərin görülməsi təmin edilib.

 

Götürülən 4 ton 410 kq 440,04 qr narkotik vasitələrin və psixotrop maddələrin ümumilikdə dəyəri 154 milyon 775 000 AZN (91 milyon ABŞ dolları) kimi qiymətləndirilir.