Şəhid olmuş şəxslərin kredit borcları silinib
19.09.2022 11:15
Azərbaycan-Ermənistan sərhədində yaranan gərginlik nəticəsində cari ilin sentyabrında şəhid olmuş Azərbaycan hərbçilərinin banklara olan bütün növ kredit öhdəlikləri və onlara hesablanmış faizlər tam silinib. Bu barədə "Azərbaycan Banklar Assosiasiyası" (ABA) İctimai Birliyi məlumat yayıb.
Məlumata görə, bu məsələ qurumun Rəyasət Heyətinin sentyabrın 16-da keçirlmiş geniş tərkibdə iclasında müzakirə edilib. İclasda borcların silinməsi məsələsi yekdilliklə təsdiq edilib.
"ABA üzvləri bir daha Azərbaycan bank icmasının hər zaman olduğu kimi Prezidentin tapşırıqlarını və Azərbaycan Mərkəzi Bankının tövsiyələrini rəhbər tutaraq Şəhid ailələri və qazilərimizə, eləcə də vətənimizin düşməndən azad edilməsində iştirak edən hərbçilərimizə münasibətdə həssaslıq nümayiş etdirməyə davam edəcəklərini, işğaldan azad edilmiş torpaqlarımızda müasir bank-maliyyə infrastrukturunun qurulmasında bütün resursları ilə iştirak etməyə hazır olduqlarını bildiriblər", - deyə məlumatda qeyd olunub.
www.anews.az
Twitter
Bizi Twitterdə izləyin
Foto
Video
