Tələbə kreditlərinin sosial kateqoriyası genişləndirilib

Ailə başçısını itirməyə görə pensiya alan şəxslər və müharibə veteranları təhsil kreditinin sosial kateqoriyasına daxil edilib. Bu barədə Təhsilin İqtisadiyyat şöbəsinin aparıcı məsləhətçisi Cabbar Hüseynli "Təhsil masası” verilişində məlumat verib.
 
O bildirib ki, Elm və Təhsil Nazirliyinin yeni qərarına əsasən, tələbə kreditlərində sosial kateqoriyalar genişləndirilib.
 
Cabbar Hüseynli qeyd edib ki, tələbə kreditlərinin verilməsi üçün müraciətlərə hər hansı limit yoxdur və ödənişli əsaslarla tələbə kreditinə uyğun gələn 56 000 tələbənin hamısı kreditdən istifadə edə bilər.
 
Təhsil krediti sosial və standart olmaqla iki kateqoriyaya ayrılır. Standart kateqoriyası üçün tələbənin ümumorta müvəffəqiyyət göstəricisi 71 baldan yuxarı olması tələb olunur. Sosial kateqoriyasında isə əsas tələb şəxsin  sosial həssas qrupa daxil olmasıdır.  
 
 
 Lida Abbaslı

www.anews.az