Hadisə yerinə 5 təcili yardım briqadası GÖNDƏRİLİB

Fövqəladə Hallar Nazirliyinin (FHN) "112" qaynar telefon xəttinə Bakı şəhəri, Binəqədi rayonu, Cavadxan küçəsində yerləşən çoxmərtəbəli yaşayış binasında partlayış olması barədə ilkin məlumat daxil olub.
 
Nazirlikdən verilən xəbərə görə, məlumatla əlaqədar FHN-nin Dövlət Yanğından Mühafizə Xidmətinin yanğından mühafizə bölmələri və Xüsusi Riskli Xilasetmə Xidmətinin müvafiq xilasetmə qüvvələri çağırış üzrə cəlb olunub.
 
İlkin məlumata əsasən, partlayış nəticəsində yanğın hadisəsi baş verməyib.
 
Tibbi Ərazi Bölmələrini İdarəetmə Birliyindən (TƏBİB) isə Modern.az-a bildirilib ki, hadisə yerinə Bakı şəhəri Təcili və Təxirəsalınmaz Tibbi Yardım Stansiyasının 5 briqadası cəlb olunub.
 
Əlavə məlumat veriləcək.

www.anews.az